कर्णाली नदी नियन्त्रण आयोजनाया स्वम्ह इन्जिनियरपिं १५गू लखतका घुसलिसें ज्वंगु दु ।

 

थौं सञ्चरवाः बर्दियाया गेरुवा गाउँपालिकापाखें गाडीइ च्वना वःपिं इन्जिनियरपिं कमल सिटौला, विश्वेश्वरप्रसाद शाह व हरिप्रसाद चौधरीलिसें चालक टंकप्रसाद ओझायात अख्तियारया पुचलं नियन्त्रणय् काःगु अख्तियार दुरुपयोग अनुसन्धान आयोगया प्रवक्ता प्रदीपकुमार कोइरालां जानकारी बियादीगु दु ।

 

‘उमित घुसलिसें ज्वंगु खः ।’ प्रवक्ता कोइरालां धयादिल, ‘विकास निर्माण भुक्तानीया विषयस घुस काःगु धइगु सीदुगु दु ।’

 

ज्वंपिन्त अनुसन्धान जुयाच्वंगु अख्तियारं न्ह्यथंगु दु ।