स्वास्थ्य मन्त्रालयं २२म्ह विशेषज्ञ चिकित्सक प्रदेश २ छ्वयेगु तयारी
लहनान्युज | ञंलाथ्व ८ ११४०,भाद्र १० बुधवाः
कोरोना संक्रमणया हटस्पट जूया च्वंगु प्रदेश २ य् स्वास्थ्य तथा जनसंख्या मन्त्रालयं २२ म्ह विशेषज्ञ चिकित्सक छ्वयेगु तयारी याना वयाच्वंगु दु ।
मन्त्रालयया प्रशासन महाशाखा प्रमुखया कथं नारायणी अस्पताल वीरगन्जय् ज्या याये कथं गुम्ह चिकित्सक थ्यने धुकुगु दु ।
अथेहे १३ म्ह चिकित्सक धाःसा धनुषाया जनकपुर प्रादेशिक अस्पताल व रौतहटया गौर अस्पतालय् बिहीवाः वनेगु तयारी जुया च्वंगु दु धका धाःगु दु । उकि मध्ये खुम्ह चिकित्सक गौर
अस्पताल व खुम्ह जनकपुर प्रादेशिक अस्पताल वने त्यःगु खः । छम्ह गन अस्पतालय् वने क्वःछिगु मदुनि ।
मन्त्रालयं थ्व स्वया न्ह्यः चिकित्सा विज्ञान राष्ट्रिय प्रतिष्ठान (न्याम्स) या विशेषज्ञता अध्ययनरत चिकित्सकयात सुदूरपश्चिम व प्रदेश नं. ५ य् छ्वये धुकुगु दु ।
