स्सास्थ्य मन्त्रालयपाखे निषेधाज्ञा छवाः थप यायेगु सुझाव
लहनान्युज | ञंलागा ७ ११४०,भाद्र २४ बुधवाः
कोरोना संक्रमण स्वनिगलय् अप्वोया वःगुलि स्वास्थ्य तथा जनसंख्या मन्त्रालयं निषेधाज्ञा थप छवाःया लागि तयेमाः धका धाःगु दु ।
वःगु स्वानिसे जारी लकडाउन थौं चान्ह्यः १२ बजे निसे क्वचायेत्यःगु खः । आः हाकन छवाः लकडाउन याना महामारी नियन्त्रण याये अपुइ धका स्वास्थ्य मन्त्रालयं मेगु छवाःया लागि तयेत सुझाव बिःगु दु ।
निसः स्वया अप्वो एक्टिभ केस जुगु थाय् लकडाउन व न्यासः स्वया अप्वो एक्टिभ केस दुगु थाय् कर्फ्यु हे तयेगु स्वास्थ्यया मापदण्ड कथं वने माः धका धाःगु दु ।
मन्त्रालयया कोभिड–१९ इन्सिडेन्ट कमाण्ड सिस्टम (आईसीएस) प्रमुखं जनस्वास्थ्यया हिसावं निषेधाज्ञायात निरन्तरता यायेमाः धका धाःगु दु । आः पूर्ण रुपं लकडाउन चायेकेगु इलय्
अस्पताल व चिकित्सकपिन्त संक्रमित व्यवस्थापन याये थाकुइ धका धाःगु दु । आः हे लकडाउन चायेकेगु इलय् संक्रमण अप्वोया वनिगुलि अस्पतालय् न समस्या जुइफु । उकि छवाः कडा रुपं निषेधाज्ञा तःसा बालाइ धका धाःगु दु ।
उपत्यका नगरपालिका फोरम नं सीमापाखे दुहा वयेगु नाकाय् कडा यायेमाःगु व जनजीवन छ्वाःसुकेत धाःगु दु । थ्व स्वया न्ह्य निजी सवारी साधनय् जोर–बिजोर प्रणालीपाखे सञ्चालन यायेगु सुझाव बिःगु दु ।
तर गुलिं विज्ञपिन्से निषेधाज्ञा जक समस्याया समाधान मखु आः मेगु विकल्प माःला वने माःग सुझाव बिःगु दु । उमिसं निषेधाज्ञायात छ्वासुका जनजीवनयात सामान्य दयेका वनेत इनाप याःगु दु ।
Categorized in राष्ट्रिय
