हङकङया खुम्ह प्रजातन्त्र समर्थक पत्रकारयात देशद्र्रोहया द्वपनय् ज्वंगु दु ।

हङकङया स्ट्याण्ड न्युज अनलाइनया स्वम्ह मिसा व स्वम्ह मिजं पत्रकारयात नियन्त्रणय् काःगु खः । ज्वंपिंलय् स्ट्याण्ड न्युजया पूर्व बोर्ड दुजः तकं दु ।

उगु अनलाइनं देशद्रोही बुखँत पिथंगु द्वपं हङकङ प्रहरीं ब्यूगु दु । उगु अनलाइनया ज्याकुथिइ छापा मारे यायेत करीब २सः सुरक्षाकःमि परिचालन याःगु धाःगु दु ।

प्रहरीं उगु संचारगृहं महत्वपूर्ण भ्वं तकं नियन्त्रणय् काःगु दु । ज्वंपिं पत्रकारत दोषी प्रमाणित जूसा देशद्रोहया मुद्दा न्ह्याकेगु हङकङ सरकारं न्ह्यथंगु दु ।

Categorized in अन्तर्राष्ट्रिय