हलिं नेवाः दबूया पदाधिकारीपिन्त भिंतुना देछाल
लहनान्युज | चिल्लागा औशी ११३९ (अप्रिल ५ २०१९)
नेवाः जागरण मञ्चपाखे स्वक्वःगु तःमुँज्याय् निर्वाचित जूपिं हलिं नेवाः दबूया न्हूपिं पदाधिकारीपिन्त छगू ज्याझ्वःया दथुइ भिंतुना देछाःगु ज्याझ्वः जुगु दु ।
येँया क्षेत्रपार्टी जूगु उगु ज्याझ्वलय् दबूया न्हूम्ह नायः सिजन श्रेष्ठ दुजःपिं दया शाक्य, शाक्य सुरेन व सुरेन्द्र भत्त श्रेष्ठयात थथे भिंतुना देछाःगु खः ।
उगु ज्याझ्वलय् येँ महानगरपालिकाया उपमेयर हरिप्रभा खड्गी, नेवाः न्ह्यलुवाः मल्ल के सुन्दर, दबूया नायः सिजन श्रेष्ठ थःथःगु बिचाः तयादीगु खः ।
जागरण मञ्चया नायः सुजीव बज्राचार्यया सभाधक्ष्यताय् जुगु उगु ज्याझ्वलय् न्वकू अमृत ताम्राकारं न्ह्याकादीगु खः ।