हल्चोक आकाश भैरवय् बिशेष पुजा
नृपेन्द्रलाल श्रेष्ठ | ञंलाथ्व एकादशी ११३८ ( सेप्तेम्वर २० २०१८ )
हल्चोकय् थौं बिहिवाः ञंलाथ् एकादशी कुन्ह द्यया आँगछेँय् पुजा जुगु दु ।
येँया जात्रा वलय् पिहा वइगुु हल्चोक आकाश भैरव, चण्डि व कुमारी (सवः द्य) स्वम्ह द्यःया नाप, पार्वती, महाद्य, गंगा, आकाशदेवी, बाराही, दक्षिणकाली नाप महाकालीया ख्वाःपाः व तिसाःया पुजा जुगुु दु ।
हल्चोकय् झीनिदँ जात्रा न दु । उगु जात्रा वःगु बि स २०७० सालय् जुगु खः । ञंलाथ्व एकादशी कुन्हु पुजा जुइ वलय् झीनिदँ जात्रा थः छपु द्यः जुयागु खः उम्ह द्ययात पुजा यायेमाःगु परम्परा दु ।
येँया जात्रा इलय् पिहा वहेमापिं आकाश भैरव, चण्डि व कुमारी (सवः द्य) स्वम्ह द्यःया लँपु छायेगु लागि कुन्हु हल्चोकं ञंलाथ्व पारु चित्रकारया थाय् यंकिगु खः ।
लँपु छाय्गु ज्या येँया मासंगल्लिइ च्वंच्वनादीम्ह तेज बहादुर चित्रकारं याना वयाच्वनादीगु खः । वयकलं वंगु वि.सं. २०२८ सालं निसें मदिक्क च्वया वया च्वनादीम्ह चित्रकारं प्यंगू पुस्ता न्ह्यःनिसें थुगु ज्यायात निरन्तरता बियावया च्वनादीगु खः ।
लँपु छाय्गु ज्या क्वचायेका चित्रकारं एकादशी कुन्हु पुजा याना उगु स्वम्ह द्यःया ख्वाःपा गुथीयारयात लःल्हाइगु खः ।
Categorized in राष्ट्रिय
