हिटलरया फोन २,५०,००० डलरं लिलाम
लहनान्यूज | सिल्लागा नवमि ११३७ (फेब्रुअरी २० २०१७)
जर्मन नेता एडोल्फÞ हिटलरया टेलीफोन सेट मुक्कं २,५०,०० डलरं लीलाम जूगु दु ।
अमरीकाय् जूगु लिलामिइ छम्ह अज्ञात मनुखं हिटलरया फोन करीब २त्या लख डलरं न्यानाकाःगु खः । फोन न्यानाकाःम्हेसिया म्हसिका धाःसा सार्वजनिक याःगु मदुनि ।
ह्याउँगु रंगया थुगु फोनय् हिटलरया नां, स्वस्तिक चिं व चीलया चित्र कियातःगु दु । सन् १९४५स निगूगु विश्वयुद्ध क्वचायेधुंकाः बर्लिनया छगू बन्दरगाहलय् थुगु फोन लूगु खः ।
फोन लिलाम याःगु मेरीलायन्ड राज्यं थुकियात ‘आः तक्कया दक्कले विध्वंसक ल्वाभः’या नां ब्यूगु दु । जर्मनीं सरेन्डर यायेधुंकाः सोभियत सैनिकतयसं थुगु फोन ब्रितेनी ब्रिगेडियर राल्फ रेनरया चिं कथं ब्यूगु खः ।
अक्सन हाउसया अधिकारी बिल पैनागोपुलसं हिटलरं युद्धया झ्वलय् थुगु हे फोनपाखें ब्यूगु आदेशं यक्व हे मनूत सीगु जूगुलिं थुकियात जनसंहारया ल्वाभः धाःगु बिबिसिं न्ह्यथंगु दु ।
Categorized in अन्तर्राष्ट्रिय
