२०८० चैत्र १६, शुक्रबार

हुण्डी कारोबारीपिन्त ज्वन

ञंलाथ्व एकादशी ११४१, असोज १ शुक्रवाः

वीरगञ्जया माइस्थानस्थित केपी स्वर्ण कला केन्द्रय् पर्सा प्रहरीं छापा तःगु दु ।
 
वीरगञ्ज महानगरपालिका वडा नम्बर ६ माइस्थान चोक न्ह्योने दूगु कन्हैयाप्रसाद सोनारं थःगु हे छेँय् संचालन याःगु केपी स्वर्ण कला केन्द्र दुने अवैध वित्तीय कारोबार (हुण्डी) जुयाच्वंगु सूचंया लिधंसाय् जिल्ला प्रहरी ज्याकुया क्राइम शाखाया प्रहरी नायव निरीक्षक विनोदकुमार सिंहया नेतृत्वया टोलीं केन्द्रय् छापा तःगु खः ।
 
खानतलासी जूबलय् श्रोत ध्वामथूगु ३८गू लख ५१द्वः सच्छि तबा लूगु लिसें केन्द्रया सञ्चालक सोनार व परवानीपुर–३ या दिपककुमार सर्राफयात नियन्त्रणय् कायेज्या जूगु जिल्ला प्रहरी ज्याकु पर्सां न्ह्यथंगु दु ।
 
नियन्त्रणय् काःपिं कन्हैया व दिपकयात बैंक तथा वित्तीय संस्था सम्बन्धी ऐन, २०७३ विरूद्वया कसूरय् अनुसन्धान न्ह्यागु जिल्ला प्रहरी ज्याकु पर्सां न्ह्यथंगुृ दु ।
Categorized in अपराध