हुथी पुचःल ९म्हसित मृत्युदण्ड बिल
ञंलाथ्व चतुर्दशी ११४१, असोज ३ आंईतवाः
यमनया हुथी पुचःलं थःपिनि सर्वोच्च नेतायात स्यागुलिइ दुथ्यापिं ९म्हसित मृत्युदण्ड बिउगु दु ।
३दँ न्ह्यः हुथी पुचःया सर्वोच्च राजनीतिक परिषदया प्रमुख सालेह अल–सामदया हत्या प्रकरणय् दुथ्यापिं ९ म्हसित मृत्यु दण्ड बिउगु खः । राजधानी सानाया छगू चुकय् गोलीं कयेका उमित मृत्युदण्ड बिउगु खः ।
हुथी पुचःया छगू अदालतं दोषी क्वजिउपिं १६म्ह मध्ये ९ म्हसित मृत्युदण्ड बिउगु खः । हुथी अदालतं साउदी अरबया राजकुमार मोहम्मद बिन सलमान व अमेरिकी पूर्व राष्ट्रपति डोनल्ड ट्रम्पलिसें मेपिं ७म्हसित नं मुद्दा न्ह्याकुगु खःसा उमित नं हुथी अदालतं मृत्युदण्डया सजाय न्यंकुगु दु ।
सन् २०१८ या अप्रिलय् यमनया पश्चिमी प्रान्त होडैडाय् जूगु हवाई हतःलय् समाद लिसें मेपिं ६म्ह सीगु खः । साउदी अरबं उगु हवाई हताः थःपिन्सं यानागु पुष्टि याःगु खः ।
Categorized in अन्तर्राष्ट्रिय
