२०७८ मङ्सिर २१, मंगलबार

हेटौंडाय् ट्रक व बस न्याबलय् निम्ह सीत

कछलाथ्व षष्ठी ११४२, कात्तिक २४ बुधबाः

हेटौँडाया नवलपुरय् वंगु चान्हय् ट्रक व बस न्याबलय् निम्ह सीगु दु । दुर्घटनाय् १६म्ह घाःपाः जूगु दु ।

सीपिंलय् बसय् सवार निम्ह मिजं जूगुलिइ उमिगु सनाखत जुइ फूगु मदुनि । जनकपुरं येँय् वयाच्वंगु ना ७ ख ८७६ ल्याःया रात्रि बसयात अःखः दिशां वंगु ट्रकं ठककर बिउबलय् दुर्घटना जूगु खः । दुर्घटनाय् घाःपाः जूपिनि हेटौँडाया अस्पतालय् वासः जुयाच्वंगुृ दु ।

अथेहे कैलालीइ वंगु चान्हय् छम्ह ल्याम्हयात स्यागु विरोधय् स्थानीयं पूर्वपश्चिम राजमार्ग अवरुद्ध याःगु दु । कैलाली, लम्कीया भुपेन्द्र बडुवालयात वंगु चान्हय् टीकापुर नगरपालिका–१ य् छुरां सुया स्यागु खः ।

अपराधीयात ज्वना कारवाही यायेत माग यासें स्थानीय वासिन्दां लम्कीचुहाय् राजमार्ग अवरुद्ध याःगु खः । राजमार्ग अवरुद्ध जुइधुंका सवारी ज्वलंत लम्कीइ हे दिकातःगु दुसा सलंसः यात्रुत अलपत्रय् लाःगु दु ।

मंगलबाः चान्हय् टीकापुरया सिद्धार्थ होटल लिक्कसं निगू पुचः दथुइ जूगु ल्वापुइ २२दँया बडुवालयात छुरां सुया स्यागु खः । प्रहरीं स्यागुलिइ दुथ्यागु आशंकाय् ४म्हसित नियन्त्रणय् कया अनुसन्धान न्ह्याकुगु दु ।

 

Categorized in अपराध