हैदरावादं किङ्स इलाभेनयात ६९ रनं त्याकल
यूएईलय् जुया च्वंगु १३ क्वःगु सस्कणया इन्डियन प्रिमियर लिग (आईपीएल) टी–ट्वान्टी क्रिकेटय् सनराइजर्स हैदरावादं किङ्स इलाभेन पन्जाबयात ६९ रनं बुकुगु दु। 
 
दुबइ अन्तर्राष्ट्रिय क्रिकेट मैदानय् हैदरावादं बिःगु २०२ रनया लक्ष्य पन्जाबं १६ ओभर ५ बलय् दक्को विकेट गुमे याना १३२ रन जक दयेमे ताःलागु खः। 
 
पन्जाबया लागि निकोलस पुरनं अर्धशतकीयया पारी म्हितेगु लागि ३७ बलय् ५ चौका व ७ छक्काया ग्वाहालि ७७ रन दयेकूगु खः। अथेहे केएल राहुल व प्रवेश सिमरान सिँहं ११, ११  रन दयेकूगु खः।
 
बलिङपाखे हैदरावादया लागि राशिद खानं स्वगू विकेट, थङ्गार्सु नटराजन व खालेल अहमेद निगु निगु विकेट नाप अविशेक शर्मां छगु विकेट काःगु खः। 
 
टस त्याका न्हापा ब्याटिङ याःगु हैदरावादं निर्धातिर २० ओभरय् खुगु विकेटय् २०१ रन दयेकूगु खः। हैदरावादया लागि जोनी बेयरस्टो व डेभिड वार्नर न अर्धशतकीय पारी म्हितूगु खः। ५५ बलय् बेयरस्टो नं ७ चौका व ६ छक्काया ग्वाहालि ९७ रन दयेकुगु खः। 
 
अथेहे ४० बलय् वार्नर नं ५ चौका व १ छक्काया ग्वाहालि ५२ रन दयेकूगु खः। हैदरावादया लागि केन विलियन्सनं २० रन व अविशेक शर्मा नं १२ रन दयेकूगु खः। 
 
बलिङय् पन्जाबया लागि रवी विश्नोइ नं स्वगू विकेट,आर्शदिप सिंह निगु विकेट व मोहमद स्विामी न छगू बिकेट काःगु खः।
Categorized in कासा