म्हिगः शुक्रवाः जुगु कासाय् हैदरावादं चेन्नई सुपर किङ्सयात ७ रनं बुकुगु दु। दुबई अन्तर्राष्ट्रिय क्रिकेट मैदानय् जूग कासाय् हैदरावादं बिःगु १६५ रनया लक्ष्य चेन्नई न निर्धारित २० ओभरय् ५ विकेटय् १५७ रन जक दयेके फुगु खः। 

चेन्नईया लागि रविन्द्र जडेजां ३५ बलय् ५ चौका व २ छक्काया ग्वाहालि ५० रन दयेकुगु खः। अथेहे कप्तान महेन्द्र सिंह धोनी ४७ रन, फाफ डू प्लेसिस २२ रन, श्याम करन १५ रन दयेकूगु खः।

बलिङपाखे हैदरावादया लागि थन्गरासु नटराजनं निगु विकेट, भुवनेश्वर कुमार व अबदुल समादं छगु छगु विकेट काःगु खः। 

 

टस त्याका न्हापा ब्याटिङ यासे हैदरावादं निर्धारित २० ओभरय् ५ विकेटय् १६४ रन दयेकूगु खः। हैदरावादया लागि प्रियाम गर्ग नं २६ बलय् ६ चौका व १ छक्काया ग्वाहालि नट आउट ५१  रन, अविशेक शर्मा ३१ रन, मनिस पाण्डे २९, डेविड वार्नर २८ रनया योगदान याःगु खः। 

 

बलिङय् चेन्नईया लागि दीपक चहार निगु विकेट र्शदुल ठाकुर व प्रियुस चवाला न छगु छगु विकेट काःगु खः।