हैदरावादं दिल्लीयात८८ रनं त्याकल
लहानान्युज | कौलाथ्व द्धादशी ११४०,कार्तिक १२ बुधवाः
इन्डियन प्रिमियर लिग (आईपीएल) क्रिकेटय् सनराइजर्स हैदरावादं दिल्ली क्यापिटल्सयात ८८ रन न बुकुगु दु।
म्हिगः मंगलवाः चान्ह्य जूगु कासाय् दिल्लीयात हैदरावादं २२० रनया लक्ष्य न्ह्यब्बःगु खः। दिल्ली १९ ओभरय् १३१ रन दयेका अलआउट जुगु खः।
दिल्लीया लागि ऋषभ पन्तं ३६, अजिक्य रहाणें २६ व तुषार देश पाण्डें नटआउट २० रन दयकूगु खः।
हैदरावादया लागि राशिद खानं प्यःगु ओभरय् ७ रन बिया स्वगु विकेट काःगु खः। सन्दीप शर्मा व टी नटराजनं निगु निगु विकेट काःगु खः।
टस बुया न्हापा ब्याटिङ याःगु हैदरावादं निर्धारित २० ओभरय् निगु विकेटय् २१९ रन दयेकूगु खः। ४५ बलय् ८७ रन दय्का ऋद्धिमान साह म्यान अफ द म्याच जुगु खः। डेभिड वार्नरं ६६
रन दयकूगु खः। मनिष पाण्डे ४४ व केन विलियम्सन ११ रनया नटआउट जुया म्हितुगु खः।
थ्व नाप हैदरावादं प्ले अफय् वनेगु सम्भावना कायम जूगु दु। दिल्ली थ्व नाप न्याक्वः बुगु दु। दिल्ली अंक तालिकाय् स्वगूगु थासय् दु सा हैदरावाद खुगु थासय् दु।
Categorized in कासा
