हैदरावादं बैंग्लोरयात न्याःगु विकेटं त्याकल
इन्डियन प्रिमियर लिग (आईपीएल) क्रिकेटय् सनराइजर्स हैदरावादं रोयल च्यालेन्जर्स बैंग्लोरयात न्याःगु विकेटं बुकूगु दु।
 
शनिवा चान्ह्य जूगु कासाय् बैंग्लोरं बिःगु १२१ रनया लक्ष्य हैदरावादं ३५ बल दुगु वलय् विकेट ल्यः दनिगु इलय् हे उगु लक्ष्य पूरा याःगु खः। हैदरावादया लागि ऋद्धिमान साहं न ३९ व मनिष पाण्डें २६ रन, जेसन होल्डर १० बलय् २६ रन दयेका नटआउट जूगु खः।
 
बलिङय् युजवेन्द्र चहलं १९ रन बिया निगु विकेट काःगु खः।
 
युएईलय् जुया च्वंगु आईपीएलया १३ क्वःगु संस्करणय् हैदरावाद थ्व नाप खुक्वः त्याकूगु दु सा बैंग्लोर खुक्वः बूगु दु।
 
शारजहाँ क्रिकेट मैदानय् टस बूया न्हापा ब्याटिङ याःगु रोयल च्यालेन्जर्स बैंग्लोरं निर्धारित २० ओभरय् न्ह्यःगु विकेटय् १२० रन दयकूगु खः। ओपनर जोश फिलिपं दकलय् अप्वो ३२ रन दय्कूगु खः। एबी डिभिलियर्सं २४ व वाशिङ्टन सुन्दरं २१ रन व कप्तान विराट कोहलीं ७ रन दय्कूगु खः।
 
हैदरावादया लागि सन्दिप शर्मा व जेसन होल्डरं निगु निगु विकेट काःगु खः । प्यंगु ओभर बलिङ यासे २० रन बिया निगु विकेट कया शर्मा म्यान अफ द म्याच जूगु खः।
Categorized in कासा