हैदरावादयात ८गू विकेटं बुकल दिल्ली क्यापिटल्सं
ञलाथ्व द्धितीया ११४१, असोज ७ विहीबाः
सनराइजर्स हैदरावादयात ८गू विकेटं बुका दिल्ली क्यापिटल्स ईन्डियन प्रिमियर लिग (आईपीएल) टी–ट्वेन्टी क्रिकेटया शीर्ष थासय् थ्यंगु दु ।
युएईया दुबईलय् वंगु चान्हय् जूगु कासाय् हैदरावादं बिउगु सच्छि व ३५गू रनया आज्जु दिल्लीं १७गू ओभर ५ गः बलय् २गू विकेट तंका पूवंकुगु खः । दिल्ली त्यागुलिइ श्रेयस आयरं अविजित ४७ गू रन व शिखर धवनं ४२गू रन दयेकुगु खः । हैदरावादया खलिल अहमद व राशिद खानं १गू÷१गू विकेट काःगु खः ।
थ्वयान्ह्यः न्हापा ब्याटिङ याःगु हैदरावादं २०गू ओभरय् ९ गू विकेट तंका सच्छि व ३४गू रन दयेकुगु खः । उमिगु नितिं अब्दुल समादं २८गू रन मुंबलय् राशिद खानं २२गू रन दयेकल । दिल्लीया कागिसो राबडां ३ गू विकेट काल ।
कासा त्यागु लिसें दिल्ली लिगया शीर्ष थासय् थ्यंगु दु । उमिगु ९गू कासां १४गू ल्याः जूगु दु । छगू कासा म्हो म्हितुगु चेन्नाई १२ गू ल्याः लिसें निगूगु थासय् दु । बूगु टोली हैदरावाद धाःसा ८ गू कासां २ गू ल्याः जक मुना धलःया लिउने दु ।
Categorized in कासा
