होम आइसोलेसेनय् च्वपिन्त परामर्श बिइगु जिम्मा ल्याबयात
शोभा श्रेष्ठ | कौलागा चतुर्थी ११४०,कार्तिक १९ बुधवाः
सरकारं होम आइसोलेसेनय् च्वना च्वपि संक्रमितपिन्स परामर्श बिइगु जिम्मा ल्याबयात बिःगु दु।
स्वास्थ्य तथा जनसंख्या मन्त्रालयं कोरोना परीक्षण याइगु प्रयोगशालापिन्स टेलिकाउन्सिलिङ (टेलिफोनपाखे परामर्श) बिइगु निर्णय याःगु दु। ल्याब सञ्चालन याइगु अस्पताल व मेडिकल कलेज थःम्ह वा मेगु सरकारी वा निजी अस्पतालनाप समन्वय याना परामर्श बिइगु व्यवस्था याये माःगु धका मन्त्रालयया प्रवक्ता डा. जागेश्वर गौतमं धाःगु दु।
मन्त्रालयया तथ्यांक कथं आःतक ३० हजार स्वया अप्वो कोरोना संक्रमित होम आइसोलेसनय् च्वनाच्वंगु दु।
होम आइसोेलेसनया अनुमति बिइवं स्थानीय तहया स्वास्थ्यकर्मी पिनिगु निगरानी यायेगु निर्णय याःगु खः। तर थुगु कार्यान्वयन जुइ मफुत खः। आः प्रयोगशालाया जिम्माय् त्वतूगु दु।
अथेहे नेपाल प्रहरी अस्पतालयात ३०० वेडया कोभिड अस्थायी अस्पतालया रुपय् सञ्चालन यायेगु निर्णय याःगु दु।
Categorized in राष्ट्रिय
