१२२१ म्ह कोरोना संक्रमण पुष्टि, २६७ म्ह डिस्चार्ज
शोभा श्रेष्ठ | ञंलाथ्व १२ ११४०,भाद्र १४ आइतवाः
वःगु २४ घण्टाय् १२२१ म्हेसित कोरोना भाइरस (कोभिड(१९) या संक्रमण पुष्टि जूगु दु । देय् यकंया याःगु प्रयोगशालाय् १२ हजार ७१७ म्हेसिगु नमुना परीक्षणय् ३४८ मिसा व ८७३ मिजंपिन्त संक्रमण पुष्टि जुगु खः ।
थ्व नाप संक्रमितपि ३८ हजार ५६१ म्ह थ्यःगु दु । उकि मध्ये २२१ म्ह सी धुकुग दु । अथेहे २० हजार ८२२म्ह कोरोनामुक्त जुइ धुगु दु । वःगु २४ घण्टाय् जक २६७ म्ह डिस्चार्ज जूगु दु ।
स्वास्थ्य तथा जनसंख्या मन्त्रालयया कथं दकलय् अप्व स्वनिगलय् ४२९म्हेसित संक्रमितपि पिहा वःगु दु । उकि मध्ये येँ ३७२म्ह, ख्वपय् ४५म्ह व यलय् १२ म्हेसित जूगु दु ।
अथेहे चितवनय् ९०म्ह, बाराय् ८२म्ह, धनुषाय् ७५म्ह, रुपन्देही ६१म्ह, मोरङय् ४९म्ह, बझाङय् ४७म्ह, पर्साय् ४६म्ह, महोत्तरी ३७म्ह, सर्लाही ३४म्ह, सुनसरी ३३म्ह, सिराहाय् २६म्ह, काभ्रे
व कपिलवस्तु नीन्याम्ह नीन्याम्ह, नवलपरासी २१म्ह, बाँकेय् १४म्ह, झापा व डोटी झींनिम्ह, झींनिम्हेसित जूगु दु ।
मकवानपुरय् ९ म्ह, पाल्पा व् अछामय् च्याम्ह च्याम्ह, सप्तरी, गुल्मी, बर्दिया व कैलालीइ खुम्ह खुम्ह, सिन्धुली, कास्की, गोरखा, प्युठान व दाङय् न्याम्ह न्याम्ह, ओखलढुंगा व तनहुँ प्यम्ह प्यम्ह, धादिङ, बाग्लुङ व् अर्घाखाँची स्वम्ह स्वम्ह, संखुवासभा, सिन्धुपाल्चोक, नवलपुर व दार्चुलाय् निम्ह निम्ह नाप इलाम, पाँचथर, रामेछाप व कञ्चनपुरय् छम्ह छम्हेसित संक्रमण पुष्टि जूगु दु धका मन्त्रालयं धाःगु दु ।
