१२२८म्ह कोरोना संक्रमित, ९१७ डिस्चार्ज
लहनान्युज | ञंलागा १ ११४०,भाद्र १८ बिहीवाः
कोरोना भाइरसं १२२८ म्ह संक्रमित थपे जुगु दु । स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं वःगु २४ घण्टाय् १२२८म्ह संक्रमित थपे जूगु जानकारी बिःगु दु ।
उकि मध्ये ३९४म्ह मिसपि व ८३४म्ह मिजंपि खः । देय् यकं आःतक सक्रिय संक्रमितपि १८ हजार ४१३ म्ह दु ।
वःगु २४ घण्टाय् थीथी अस्पतालय् ९१७म्ह डिस्चार्ज जूगु दु । आःतक २४ हजार २०७ म्ह डिस्चार्ज जुइ धुकुगु दु । थ्व ल्याखं डिस्चार्ज जुपि ५६ प्रतिशत जुगु दु ।
थौं देय् यक १३ हजार ४१७म्हेसिगु पीसीआर परीक्षण याःगु खः । देय् यकं संस्थागत आइसोलेसन १० हजार ६७१ म्ह व होम आइसोलेसनय् ७ हजार ७४२ म्ह च्वनाच्वंगु दु ।
आःतक देय् यकं ६ हजार ७४९म्ह क्वारेन्टिनय् च्वनाच्वंगु दु ।
