१३क्वःगु साग-भलिवलय् नेपाल त्यात
शोभा श्रेष्ठ | थिंलाथ्व पारु ११४०
१३क्वःगु दक्षिण एशियाली कासा (साग) अन्तर्गत मिसा भलिबलय् नेपाल त्याःगु दु ।
त्रिपुरेश्वरस्थित राष्ट्रिय खेलकुद परिषदको कभर्ड हलय् जूगु उलेज्या कासाय् बंगलादेशयात नेपाली मिसा भलिबल टिमं बंगलादेशयात तप्यंगु सेटय् बुकाबिल ।
बंगलादेशयात नेपालं न्हापांगु व निगूगु सेट २५–९ या स्कोरं त्याकल । स्वगूगु सेटय् २५–११ दयेकाः त्याकल ।
पुचः ‘बी’या कासाय् पाकिस्तान मवःबलय् माल्दिभ्सयात वाकओभर चूलाःगु दु ।
भलिबलय् हे नेपाली मिजं टिम धाःसा बुत । बंगलादेशलिसे हे नेपाली मिजं टिम ३–२ या सेटय् बूगु खः ।
Categorized in कासा
