१६२८ म्ह कोरोनामुक्त, २०म्ह मन्त
शोभा श्रेष्ठ | कछलागा सप्तमी ११४१, मंसिर २२ सोमवाः
स्वास्थ्य तथा जनसंख्या मन्त्रालयया कथं २४ घण्टाया दुने १ हजार ६२८ म्ह कोरोना संक्रमणपि डिस्चार्ज जुया छेँ लिहावःगु दु ।
थ्व नाप नेपालय् २ लाख २७ हजार ४३३म्ह डिस्चार्ज जुया छेँ लिहावने धुकुगु दु।
अथेहे २४ घण्टाया दुने कोरोना संक्रमणं २० म्ह सीगु दु धका धाःगु दु । थ्व नाप आःतक सीपि १ हजार ६१४ म्ह थ्यःगु दु।
वःगु २४ घण्टाय् थौं सोमवाः थप १ हजार १४ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।
Categorized in राष्ट्रिय
