१९११म्हेसित कोरोना संक्रमण पुष्टि
शोभा श्रेष्ठ | अनलाथ्व १५ ११४०,असोज १५ बिहीवाः
वःगु २४ घन्टाया दुने थौं बिहीवाः थप १९११म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक ७९ हजार ७२८म्हेसित संक्रमित जूगु दु धका धाःगु खः।
अथेहे २४ घन्टाय् कोरोना संक्रमणमुक्त जूपि ९६१म्ह छेँय् लिहावःगु दु। थ्व नाप आःतक कोरोना संक्रमणपि ५७ हजार ३८९ म्ह डिस्चार्ज जूगु दु।
मन्त्रालयया कथं आःतक पीसीआर विधि १० लाख ३३ हजार ९४७ म्हेसिगु परीक्षण याये धुकुगु दु।
अथेहे २४ घण्टाय् जम्मा १२ हजार ४४४ म्हेसिगु पीसीआर परीक्षण याःगु खः।
आःतक क्वारेन्टाइनय् च्वपि ५ हजार ७७ म्ह दु। अथेहे सक्रिय संक्रमितपि २१ हजार ८३० म्ह थ्यःगु दु।
Categorized in राष्ट्रिय
