नेपाली राष्ट्रिय टोली २०दँ लिपाः शनिबाः इराकलिसें मैत्रीपूर्ण फुटबल कासा म्हितेत्यंगु दु कुवेती प्रशिक्षक अब्दुल्लाह अल्मुताइरी बसराया नेतृत्वय् न्हापांगु अन्तर्राष्ट्रिय कासाया लागि न्हूगु स्वरुपलिसें नेपाली टोली इराक थ्यंगु दु । विश्वकप ल्यज्या कासाया ल्यंदनिगु कासाया तयारी कथं शनिबाः नेपालं फिफा धलःया थःसियां सच्छि व ३गू थाय् च्वय् लाःगु इराकलिसें म्हितेत्यंगु खः । प्यंगु कासाया धलः ज्वना भ्रमण वंगु नेपाली टोलीं इराकविरुद्धया मैत्रीपूर्ण कासाः लिपा विश्वकप व एििसयन कप ल्यज्याया ल्यंदनिगु स्वंगु कासा कुवतेलिसे म्हितिइ । पुचः बी’ लाःगु नेपाल थ्वयान्ह्यः न्यागू कासां ३गू ल्याः जक दु । आःया कासाय् नतिजाय् यक्वः आशावादी जुई मपूmसां नं प्रशिक्षक अब्दुल्लाहं याःगु वाचा व कासामी ल्यज्याय् याःगु बोल्ड निर्णयं नेपाली फुटबलय् छुं नं छुं फरक जुइगु भलसाः नेपाली फुटबलप्रेमीपिन्सं कायेफई । Categorized in कासा