२४घौ दुने १८३१म्ह संक्रमित थपू जुल
लहानान्युज | दिल्लाथ्व पारु ११४१,असार २७ आईतवाः
नेपालय् आःतक्क थ्यमथ्यं ७गू लख मनुत कोरोना संक्रमित जूगु दु । लिपांगु २४घौ दुने १८३१म्ह संक्रमितया थपू जुसें देशय् मुक्कं ६गू लख ९९द्वः ८८म्हसित संक्रमण जूगु खः ।
स्वास्थ्य तथा जनसंख्या मन्त्रालयं थौं याःगु प्रेस व्रिफिङ्य् मन्त्रालयया प्रवक्ता डा. कृष्ण प्रसाद पौडेलं पीसीआर व एन्टिजिन याना ९द्वः २१८म्हेसित याःगु परीक्षणय् थ्यमथ्यं १९.८६ प्रतिशत मनुत संक्रमण जूगु जानकारी बियादिल ।
अथेहे पीसीआर परीक्षण जुगुलि २२.२गू प्रतिशत मनुपिंके संक्रमण खनेदूगु धासें डा. पौडेलं आः न्ह्याम्ह सित परीक्षण यायेबले छम्ह संक्रमण जुयाच्वंगु धयादिल ।
अथेहे थौं येँ स्वनिगलय् ३१९म्ह संक्रमण जूगु दु । गुकिइ २६३म्ह येँ, ९७म्ह यलः व ३१म्ह ख्वपःय् खनेदूगु खः । स्वनिगः लिपाः झापा, मोरङ, सुनसरी, मकवानपुर, चितवन व कास्की अप्वः संक्रमित खनेदूगु खः । परीक्षणया तुलनाय् गण्डकी व कर्णाली प्रदेशय् अप्वः संक्रमण खनेदूगु खः ।
थ्वः ईलय् १५३३म्ह संक्रमितपिं संक्रमणमुक्त जूगु दु धाःसा कोरोनाया हुनिं लिपांगु २४घौ दुने २०म्हेसिन ज्यान छ्वय्माःगु दु ।
