२९३३ म्हेसित कोरोना संक्रमण पुष्टि
शोभा श्रेष्ठ | कौलागा द्धितिया ११४०,कार्तिक १७ सोमवाः
वःगु २४ घन्टाय् दुने नेपालय् थप २९३३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया कथं सोमवाः थपे जुपि नाप आःतक कोरोनाया संक्रमितपि नेपालय् १ लाख ७६ हजार ५ सय थ्यःगु दु धका धाःगु दु।
वःगु २४ घन्टाय् कोरोनामुक्त जुया छेँय् लिहावःपि ३१५० म्ह थ्यःगु दु। थ्व नाप नेपालय् आःतक कोरोनामुक्त जूपि १ लाख ३७ हजार ९९२ म्ह थ्यःगु दु। देय् सक्रिय संक्रमितपि आःतक ३७ हजार ५२४ म्ह थ्यःगु दु।
मन्त्रालयया कथं आःतक पीसीआर विधिपाखे १४ लाख ६९ हजार ८१२म्ह परीक्षण याये धुकुगु दु।
वःगु २४ घण्टाय् जम्मा १३ हजार ४४६ म्हेसिगु पीसीआर परीक्षण याःगु खः।
Categorized in राष्ट्रिय
