३ या नां ‘नेपालमण्डल प्रदेश’ प्रस्ताव
नृपेन्द्रलाल श्रेष्ठ | बछलागा द्धादशी ११३९ (मे ३१ २०१९)
प्रदेश नम्बर ३ या नां ‘नेपालमण्डल प्रदेश’ तयेमाः धइगु माग यासें प्रदेशसभाया सांसदपिं डा.अजयक्रान्ति शाक्य व बसन्त मानन्धर प्रस्ताव दर्ता याःगु दु । वयकःपिन्सं सभामुख सानु कुमार श्रेष्ठयात उगु प्रस्ताव लःल्हाःगु खः ।
थुगु दर्ता याःगु नेपाल मण्डलया नांया प्रस्तावयात कयाः सांसदपिं केशव स्थापित, राजेश शाक्य, ज्ञानेन्द्र शाक्य, राजकाजी महर्जन, प्रकाश श्रेष्ठ, उर्मिला श्रेष्ठ कर्माचार्य व सरस्वती बाटीपिंसं समर्थन याःगु दु ।
सांसद बसन्त मानन्धरं ‘नेपालमण्डल प्रदेश’ नांया नितिं दर्ता याये धुंकाः थ्व नांया समर्थनया नितिं फुक्क सांसदलिसें सहलह जुयाच्वंगु जानकारी बियादिगु खः ।
३ न. प्रदेशया नां नेवाः ताम्सालिङ व गौरीशंकर प्रदेश जुइमाः धकाः नं सांसदपिन्स दर्ता याये धुकुगु दु ।
