४ स्वर्ण त्याका गौरिकाया मेगु कीर्तिमान
लहनान्युज | थिंलाथ्व द्धादशी ११४० (दिसेम्वर ९ २०१९)
स्वमिङय् गौरिका सिंह नं १०० मिटर फ्रीस्टाइलय् स्वर्ण पदक त्याका १३ क्वःगु दक्षिण एसियाली खेलकुद कासा (साग) य् प्यंगु स्वण त्याकुगु दु ।
सिंह नं छगु हे सागय् प्यंगु स्वण त्याका न्हुगु कीर्तिमान तःगु दु ।
गौरिकां थौं सोमवाः १०० मिटर फ्रीस्टाइल ५८.१३ सेकेन्डय् पूरा याना स्वर्ण पदक त्याकुगु खः ।
सिंह नं भारतीय कासामि शिवांगी शर्मायात ल्युने लाकुगु खः । शिवांगीं ५८.१५ सेकेन्डय् पुरा याउगु खः ।
सागय् प्यंगु स्वर्ण पदक त्याका तेक्वान्दो कासामि दीपक विष्टं दकलय् अप्वो स्वर्ण त्याकुगुे कीर्तिमान दयेका तःगु खः । गौरिकां दीपकनाप कीर्तिमान बराबरी याउगु दु ।
दीपकं प्यंगु सागय् प्यंगु स्वर्ण त्याुगु खःसा गौरिका छगु हे सागय् प्यंगु त्याकुगु खः ।
१३ क्वःगु सागय् गौरिकां प्यंगु स्वर्ण, निगु रजत व निगु कास्य पदक त्याकुगु दु ।
