८०दँ पुलाँगु बुद्ध जीवनीया चित्रकला ब्वज्या न्ह्यात
राम डंगोल | कछलाथ्व पुन्ही ११४१,जेष्ठ १२ बुधवाः
भगवान गौतम बुद्धया जीवनीलिसे स्वापू दूगु ८०दँ पुलाँगु परम्परागत चित्रकला ब्वज्या बुधबाःनिसें न्ह्याःगु दु ।
२५६५औं बुद्ध जयन्तीया झ्वलय् मदुम्ह मणिकमान चित्रकारं दयेकादिगु नेवाः परम्परागत पौभा चित्रकला म्युजियम अफ नेपाली आर्टं भर्चुअल पाखें ब्वज्या याःगु खः ।
नां जाम्ह पौभा कलाकार चित्रकारं उगु किपाः सन् १९४२ य् च्वयादीगु खः । चित्रकलाय् नेपाल भाषापाखें चित्रया वर्णन तकं यानातःगु दु ।
कोरोना संक्रमणया हुनिं भर्चुअल चित्रकला प्रदर्शन यायेमाःगु म्युजियम अफ नेपाली आर्टं न्ह्यथनादिल ।
