संघीय समाजवादिया दक्षिणकाली नगर समिति
लहनान्यूज | सिल्लागा आमै ११३७ (फेब्रुअरी २६ २०१७)
संघीय समाजवादि फोरम नेपालया दक्षिणकाली नगर तदर्थ समिति नीस्वंगु दु ।
येँया दक्षिणकालीइ जूगु छगू सभाय् पुरुषोत्तम बलामिया अध्यक्षताय् दक्षिणकाली नगर तदर्थ समिति नीस्वंगु खः । न्हूगु नीस्वंगु तदर्थ समितिइ किरण महर्जनयात न्वकू ल्यःगु दुसा छ्यान्जे कथं सन्तोष महर्जनयात ल्यःगु दु ।
अथे हे अजय महर्जनयात दांभरिं ल्यःगु तदर्थ समितिइ १७म्ह दुजः तःगु दु ।
व स्वयां न्ह्यः संघीय समाजवादिया ल्यू नायः राजेन्द्र श्रेष्ठ, केन्द्रिय दुजः लिसें येँ जिल्ला इन्चार्ज रमेशचन्द्र प्रधान, येँ जिल्ला नायः मनरत्न शाक्यं थःथःगु नुगःखँ तयादीगु खः ।
ज्याझ्वःया वक्तापिन्सं पहिचानलिसेंया संघीय प्रदेश व परिमार्जनलिसेंया संविधान संशोधनया माग याःगु खः । लिसें दक्षिणकाली नगरपालिकायात किपू नगरपालिकाय् बिलय याःगु पायछि मजूगु खँय् वक्तापिन्सं बः ब्यूगु खः ।
Categorized in राजनीति
