‘अभूतपूर्व परिकल्पना’ शीर्षकय् फेसन शो
लहनान्युज | ञंलागा औसी ११३८ ( अक्टुवर ९ २०१८ )
नमूना कलेज अफ फेसन टेक्नोलजीयाफेसन डिजाइनिङ ब्बना च्वंपिे स्वंगु दँया स्नातक तह पूरा यायेगु झ्वलय् प्यंगु ब्याचय ८४ म्ह ब्बमिपिनिगु डिजाइनय् कल्पनाशीलता व सृजनात्मक अभिव्यक्ति खनेदुगु फेसन ज्याझ्वः जुगु दु ।
येँया होटल सोल्टी क्राउन प्लाजाय् ‘अभूतपूर्व परिकल्पना’ शीर्षकय् न्ह्यःब्बगु फेसन शो ज्याझ्वःया कोरियोग्राफी व निर्देशन रोजिन शाक्य यानादीगु खः ।
बांलाक्क व कलात्मक सजावट ¥याम्पया सेटअपय् ओहोर दोहोर यासें मोडलपिं कलात्मक, सृजनात्मक वसः फिना फरक परिवेश व पृथक सोचपाखें उगु ज्याझ्वः
परिकल्पना शीर्षक अन्तर्गतया २१ गु पहिरनय् विद्यार्थी डिजाइनर तयेसं तयार याःगु खः ।
८४ म्ह विद्यार्थी डिजाइन तयेस २१ गु पुचलं न्ह्यब्बगु भविष्यया परिकल्पना याना तयार याःगु वसः विज्ञान प्रविधि, जीव जन्तुया म्युटेसन, अनलाइन गेम्स, मानव व
मेमेगु जीवया म्युटेसन, संगीत, रोबट, स्पेश सीपपाखे प्रभावित खनेदु ।
अथेहे भविष्यया परिकल्पना यासे तयार याःगु उग वसः न्हिपः, सिङ, पपँु न दुथ्याका तयार याःगु खः ।
उगु कलेजय् ब्बनाच्वंपि डिजाइनर तयेस हे ग्वसाः ग्वगु नाप व्यवस्थापन याःगु उगु ग्राजुएसन फेसन शो ज्याझ्वःया प्रमोशनया लागि फोटोशुटय् छ्यलातःगु वसः नाप मोडलपिं नमूना कलेजया संस्थापक प्रिन्सीपल नाप अग्रणी नेपाली फेसन डिजाइनर कथं म्हसिम्ह ज्ञानी शोभा तुलाधर नं उगु ज्याझ्वलय् उपस्थिति दुगु खः ।
