सहिद स्मारक ‘ए’ डिभिजन लिग फुटबलया ९गूगु चरणया कासात थौंनिसें न्ह्यायेत्यंगु दु ।

थौं ९गूगु चरणया निगू कासा जुइ । त्रिपुरेश्वरस्थित दशरथ रंगशालाय् जुइगु न्हापांगु कासाय् सशष्त्र प्रहरीया एपीएफ क्लब व हिमालयन शेर्पा क्लब दथुइ धेंधेंबल्ला जुइ ।

अथेहे निगूगु कासाय् मनाङ मसर््याङ्दी क्लब व सातदोबाटो युथ क्लब दथुइ धेंधेंबल्ला जुइ । न्ह्यानाच्वंगु लिगय् ८गूगु चरणया कासात क्वचाबलय्  २०गू ल्याः लिसें साविक त्याकामि मच्छिन्द्र क्लब शिर्ष थासय् दुसा १९गू ल्याः मुंकुगु मनाङ निगूगु थासय् दु ।

३गूगु थाय्या संकटा क्लब व ४गूगु थासय् दूगु त्रिभुवन आर्मी क्लबया उतिग्यंक १४गू ल्याः दु । ८गू कासां ५ गू ल्याः जक मुंकुगु च्यासल युथ क्लब व ३गू ल्याः मुंकुगु फ्रेण्ड्स क्लब रेलीगेसन क्षेत्रय् लाःगु दु ।

Categorized in कासा