२०८० चैत्र १५, बिहिबार

‘ए’ डिभिजन लिग फुटबल दिकेत प्यंगु क्लबया ज्ञापन पौ

दिल्लाथ्व एकादशी ११४१,साउन ५ मंगलवाः

आसन्न ‘ए’ डिभिजन लिग फुटबल दिकेत प्यंगु क्लबं ज्ञापन पौ लःल्हागु दु ।
 
असोज ३ गतेया नितिं क्वजिनातःगु ‘ए’ डिभिजन लिग दिकेत माग यासें प्यंगु क्लबं अखिल नेपाल फुटबल संघ (एन्फा)यात ज्ञापन पौ लःल्हागु खः । कोभिडया भयावह स्थितिया हुनिं लिग गुगुनं हालतय् ग्वसाग्य्गु पाय्छि मजूगु धासें प्यंगु क्लबं इनाप याःगु खः । संक्रमण दरय् म्हो जुल धाःसा जक लिग न्ह्याकेत धाःगु दु ।
 
‘ए’ डिभिजन क्लब त जावलाखेल युथ क्लबया नायः गहेन्द्र क्षेत्री, फ्रेन्ड्स क्लबया नायः दिपक थापा, ब्रिगेट ब्वाइज क्लबया नायः लालकुमार पुन व थ्री स्टार क्लबया मूछ्याञ्जे सञ्जिव सिल्पकारं एन्फा मूछ्याञ्जे इन्द्रमान तुलाधरयात नापलाना कासा दिकेत ज्ञापन पौ लःल्हागु खः ।
 
वंगु असार १४ गते एन्फा जूगु ‘ए’ डिभिजन क्लबया मुँज्यां सहिद स्मारक लिग असोज ३ गतेनिसें न्ह्याकेगु निर्णय याःगु खः । 
Categorized in कासा