‘द बिगेष्ट अवार्ड अफ नलिउड’ जुइगु
लहनान्युज | कछलाथ्व अष्टमी (नोभेम्वर ०५ २०१९)
नेपालभाषाया म्यूजिक भिडियो ख्यलय् छगू न्हूगु ज्याझ्वः ज्वनाः ‘द बिगेष्ट अवार्ड अफ नलिउड’ जुइगु जूगु दु ।
उगु अवार्ड ज्याझ्वलय् आःतक दकलय् अप्वः विधाय् अवार्ड लःल्हाइगु हापांगु विशुद्ध नेपालभाषा भिडियो अवार्ड ‘नेपालभाषा स्टार म्यूजिक भिडियो अवार्ड–२०१९’ जुइत्यंगु खः । उगु अवार्डया नितिं म्यूजिक भिडियो निर्माण यानादीपिं सर्जकपिन्त थःपिनिगु नेपालभाषाया म्यूजिक भिडियो दुतिनेत इनाप याःगु दुसा थ्वहे छवाःया दुने थःथःगु म्यूजिक भिडियो दुतिनेत नं इनाप याःगु दु ।
आयोजक कमिटीया दुजः सुरेन्द्र महर्जनं बियादीगु जानकारी कथं ‘नेपालभाषा स्टार म्यूजिक भिडियो अवार्ड–२०१९’ कार्तिक ३० गते यलय् जुइगु जूगु दुसा थुगु इभेन्टस् संसार क्रियसन्सपाखें जुइगु नं जानकारी बियादीगु दु ।
कन्ह्य थुगु ज्याझ्वःया जानकारी बिइगु लागि छगु पत्रकार सम्मेलनया न ग्वसाः ग्वःगु दु ।
Categorized in मनोरन्जन
