‘प्रचण्ड’ समूह त्वतूपि खुम्हेसित मन्त्रीयात
लहनान्युज | थिंलाथ्व एकादशी ११४० पुस १० शुक्रवाः
सत्तारुढ नेपाल कम्युनिष्ट पार्टी (नेकपा) या अध्यक्ष पुष्पकमल दाहाल ‘प्रचण्ड’ समूहपाखे पिहावःपि खुम्ह पूर्वमाओवादी नेतापिन्त मन्त्री पद बिःगु दु ।
प्रचण्ड निकट नेता टोपबहादुर रायमाझी, मणि थापा, गौरीशंकर चौधरी, प्रभु शाह व दावा तामाङयात केपी ओली नेतृत्वया सरकारं मन्त्री पद बिःगु दु।
अथेहे, विमला विकयात राज्यमन्त्री बिःगु दु। संसद विघटन व मध्यावधि निर्वाचन घोषणा यायेवं प्रचण्ड–माधव नेपाल समूहपाखे ओली सरकारय् न्ह्यम्ह मन्त्रीं राजीनामा बिःगु खः।
उगु रिक्त जुगु पदय् ओलीं प्रचण्ड निकट नेतापिन्त मन्त्री बिःगु खः ।
नवनियुक्त मन्त्रीपिन्त थौं शुक्रवाः बहनि हे राष्ट्रपति कार्यालयय् सपथ ग्रहण याकूगु खः।
Categorized in राजनीति
