‘बसन्त ऋतु’ यलय् क्यनेज्या जुल
नृपेन्द्रलाल श्रेष्ठ | तछलाथ्व चौथी ११३८ ( जुन १७ २०१८ )
नेपालभाषाया नांजाःम्ह कलाकार व र्निदेशक पवन जोशीं र्निदेशन याःगु संकिपा ‘बसन्त ऋतु’ यलया बुद्ध पार्टी प्यालेसय् क्यने ज्या जुगु दु ।
धुँ देय् प्रोडक्सन प्रा.लि.या न्हापांगु संकिपा ‘बसन्त ऋतु’ थी थी थासय् क्यने ज्या जुया वया च्वंगु खः ।
संकिपाया र्निदेशक जोशी छम्ह मिसाया मार्मिक बाखंया लिधंसा बने जुगु थुगु संकिपा स्वकुपिन्स तसकं यकुगु दु धकाः लहनान्युज यात कनादीगु खः ।
निर्माता रामकृष्ण धिनाया निर्माणय् ‘बसन्त ऋतु’ संकिपालय् कलाकारपि किशोर चिपालु, अनु महर्जन, राजेन्द्र महर्जन, शोभा महर्जन, सुरेश महर्जन, सुशील श्रेष्ठपिन्स म्हितादीगु खः ।
