‘बागमती सभ्यता उदभव व विकास’ बिमोचन
नृपेन्द्रलाल श्रेष्ठ | अनलाथ्व द्धादशी ११३८ ( मे २६ २०१८ )
नेपालभाषा एकेदेमिया ग्वसलय् थौं छगु ज्याझ्वः दथुइ संस्कृतिविद् डा.साफल्य अमात्यं च्वयादीगु ‘बागमती सभ्यता उदभव व विकास’ नांया अनुसन्धानात्मक सफू येँ महानगरपालिकाया मेयर बिद्या सुन्दर शाक्य व किपू नगरपालिकाया मेयर रमेश महर्जन मंकाः कथं उलेज्या यानादीगु खः ।
एकेदेमिया सदस्य सचिव मल्ल के सुन्दरं लसकुस यानादीगु उगु ज्याझ्वलय् येँ महानगरपालिकाया मेयर बिद्या सुन्दर शाक्य, किपू नगरपालिकाया मेयर रमेश महर्जन, सताब्दी पुरुष सत्यमोहन जोशी व वरिष्ठ साहित्यकार यज्ञरत्न धाख्वा पिन्स नुगः खँ तयादीगु खः ।
शशिकला मानन्धरं न्ह्याकादीगु उगु ज्याझ्वलय् सफूया बिषयलय् प्रा. प्रेमशान्ति तुलाधर समिक्षा यानादीगु खः ।
