मोरङया उर्लाबारी नगरपालिका–१ लक्ष्मीझारय् १८५ राउण्ड गोली लुगु दु ।

बँय् ल्हाका तःगु अवस्थाय् एसएलआर राइफलय् छ्यलिइगु ७.६२ एमएम गोली लुगु खः । स्थानीय दलबहादुर लिम्बूया छेँय् न्ह्यने हाकूगु प्लास्टिकय् ल्हाका तःगु अवस्थाय् लुगु धका मोरङ प्रहरीया प्रवक्तां धाःगु दु ।

वयकया कथं स्थानीय ५३ दँ दुम्ह भक्तबहादुर सुवेदी नं बुँ म्हुइत स्वगु इलय् हाकूगु रंगया प्लाष्टिक दुने चाःया दुने सुचुका तःगु अवस्थाय् गोली लुगु खः ।

गोली द्वन्द्वया इलय् माओवादीया कार्यकर्तापिन्स सुचुका तःगु जुइफु धका प्रहरीं धाःगु दु।

Categorized in अपराध