नेवाः न्ह्यलुवाः नाप पुर्वमन्त्री नेपाली कांग्रेसया नेता तीर्थराम डंगोलं निस्वानादीगु तेज–तीर्थ सिरपाः थौं येँया रत्नपार्क शान्तिबातिकाय् पुर्व राष्ट्रपति डा. रामवरण यादवया मूपाहाँसुइ छगु ज्याझ्वः जुगु दु।

उगुु ज्याझ्वलय् मूपाहाँ कथं झायादीम्ह नेपाःया न्हापांम्ह राष्ट्रपति डा. यादवं लोकतन्त्र व संविधान रक्षाया नितिं थःथःगु थासं सः थ्वयेकेमाः धका धयादीगु दु । वयकलं असंवैधानिक रुपं संसद् विघटन याये धुंकाः नेपाःया राजनीति गु थासय् थ्यनिइ धइगु च्युता प्वाकादीगु दु। थौं जुगु उगु ज्याझ्वलय् तेज–तीर्थ नेपालभाषा सिरपाः साहित्यकारपाखे नारायणदेवी श्रेष्ठ व योगेन्द्रमान श्रेष्ठयात छगु ज्याझ्वः दथुइ पुर्व राष्ट्रपति यादवं लल्हाःगुदीगु खः । अथेतु, मानवअधिकार सिरपाः, पत्रकारिता सिरपाः, प्रजातान्त्रिक आन्दोलन सिरपाः नं थीथी व्यक्तिपिन्त लःल्हाःगु खः । 

ज्याझ्वदय् सिरपाः दाता तेज–तीर्थ सिरपाःया अधक्ष्य तीर्थराम डंगोलं राष्ट्रियतायात ल्यंकेगु नितिं समाजयात बांलाःगु लँपुइ यकूपिन्त दँय् दसं थुकथं सिरपाः लःल्हानाः वयाच्वनागु खँ धका धयादीगु खः। वय्कलं थौं बिहिवाः मेलमिलाप दिवसया दिंकुन्हु थथे सिरपाः लःल्हाये दयाः थःलिसें थःगु छेँजःपिं लसतां जाःगु खँ कनादिल । उगु ज्याझ्जदय् पूर्वरक्षामन्त्री भीमसेनदास प्रधान न ज्याझ्वलय् उपस्थिति दुगु खः।

किपा सुगतरत्न सिन्दुराकार 

Categorized in राष्ट्रिय