२०८० चैत्र १५, बिहिबार

राष्ट्रियसभा थौंनिसे सुरु

लहनान्युज | थिंलागा द्धितीया ११४१, पुस १७ शुक्रवाः

थौं न निसे राष्ट्रियसभाया हिउँदे अधिवेशन सुरु जुइ त्यःगु दु ।

राष्ट्रपति विद्यादेवी भण्डारीया आह्वानय् थौं न्हिनय् ४ बजे राष्ट्रियसभाया बैठक च्वने त्यःगु दु । नेकपाया प्रचण्ड–नेपाल समूह व प्रमुख प्रतिपक्ष कांग्रेस लगायतया विपक्षी दलं प्रतिनिधिसभा विघटनया विषययात राष्ट्रियसभाया बैठकय् ल्ह्वनेगु तयारी दु ।

तर राष्ट्रियसभाय् प्रतिनिधिसभा विघटनया विषय खँ ल्ह्वने ज्यु व मज्यु धइगु बहस न न्ह्याना च्वंगु दु। थौं न्हापागु दिं बैठकय् पेस जुइगु सम्भावित कार्यसूची तयार जुइ धुकुगु दु। संसद् सचिवालयया कथं बैठकय् सुरु हे अधिवेशन आह्वान व मन्त्रि परिषद् पुनर्गठन सम्बन्धी राष्ट्रपति कार्यालयपाखे वःगु पौ न्यकिइ ।

अथेहे राष्ट्रियसभाया समिति गठन सम्बन्धी आदेश, २०७७ सभापाखे अनुमोदनया लागि पेस जुइगु कार्यसूची दु। राष्ट्रियसभाय् नेकपाया ४९म्ह, कांग्रेसया खुम्ह व जनता समाजवादीया स्वम्ह सांसदपि दु।

Categorized in राष्ट्रिय