लुँ तस्करीविरुद्ध सुरक्षा निकायपिन्स आक्रामक कारबाही याःसा तस्कर तय्सं न्हुगु शैलीइ तस्करी याःगु त्वःतुगु मदु ।

आइतवाः चान्ह्य टर्च लाइट दुने लुँ सुचुका हःगु ६ सय ग्राम  बरामद याःगु दु । त्रिभुवन अन्तर्राष्ट्रिय विमानस्थलय् एक्स–रेय् चेकजाँच यायेगु झ्वलय् दुबईपाखे वःपिन्स लाइट दुने लुँ सुचुका हःगु धका विमानस्थल भन्सार कार्यालयया प्रमुख शम्भुप्रसाद मरासिनी न धाःगु दु । वयकःया कथं उगु लाइटय् ६ सय ग्राम लुँ सुचुका हःगु धका धाःगु दु ।

लाइट हःम्ह मनू राजु लामायात प्रहरीयात बुझे याःगु दु धका मरासिनी न धाःगु दु । प्रहरीया कथं थप अनुसन्धान महानगरीय प्रहरी वृत्त, गौशालाय् जुयाच्वंगु दु । वःगु इलय् कामदारयात छ्यला चिधःगु परिमाणय् लुँ येँ हयेगु ज्या जुगु दु । फ्लाई दुबईया विमानपाखे आइतबार चान्ह्य येँ वःम्ह लामायाके बरामद जुगु लुँ भाः ४६ लाख ६५ हजार ६ सय रुपैयाँ तकाया खः ।

लुँ गुणस्तर जाँच याइगु भन्सार विभागया त्रिपुरेश्वरया प्रयोगशालाय् छ्वःगु दु धका विमानस्थल भन्सार कार्यालयं धाःगु दु ।

Categorized in अपराध