नेपालया थीथी नखःचखः व द्यःपिनि जात्राया विशेषतां यानाः हे हलिमय् नां जायाच्वंगु दु । झीगु तजिलजि व झीगु परम्परां हे हलिमय् नेपालयात सांस्कृतिक देय् धकाः नां च्वंंवंगु दु । चित्रमय नखःचखः व जात्रा हनेगु झ्वलय् झीथाय् नेपालय् बुंगद्यःया जात्राय् भोटो जात्रा अर्थात जाह्वला जात्रा नं जुइ । थ्व प्वाकलं अथवा भोटो क्यनेगु जात्रा छाय् जुइ धइगु सन्दर्भय् झीगु समाजय् छगू पुलांगु व न्ह्यइपूगु किम्वदन्ती प्रचलित दु ।