प्रदेश १ या मुख्यमन्त्री राजेन्द्रकुमार राईयात कोरोना संक्रमण जुगु दु।

सोमबाः पीसीआर जाँच याउगुलि वयकःयात कोरोना संक्रमण खनेदुगु खः। मुख्यमन्त्री नाप वयकःया परिवारया सदस्यपि, सचिवालय, निवासया सुरक्षाकःमि व कर्मचारी लगायत १६ म्हेसिगु म्हिगः सोमबाः पीसीआर परीक्षण याउगु खः।

पीसीआर परीक्षण याउगुलि मुख्यमन्त्री नाप वयकःया जहान शोभा पाठक व राजनीतिक सल्लाहकार जीवन राईयात न संक्रमण खनेदुगु धका मुख्यमन्त्रीया प्रेस सल्लाहकार बन्धु पोखरेलं धाउगु दु।

मुख्यमन्त्री नाप स्वम्हेसिगु न स्वास्थ्य अवस्था सामान्य दु धका धाउगु दु।

Categorized in राष्ट्रिय