२०८० चैत्र १५, बिहिबार

सप्तरीइ सेवाग्राहीनाप घुस कयाच्वम्ह छम्हेसित ज्वन

लहनान्युज | पोहेलागा अष्टमी ११४१, माघ २३ शुक्रवाः

सेवाग्राहीनाप घुस कयाच्वंगु अवस्थाय् सप्तरीइ छम्ह लेखापढी व्यवसायीयात ज्वःगु दु।

अख्तियार दुरुपयोग अनुसन्धान आयोग इटहरीया टोलीं लेखापढी व्यवसायी अरुणकुमार यादवयात थौं शुक्रवाः ज्वःगु दु ।

आयोगया कथं यादवं कञ्चनरुप नगरपालिकाया मालपोत कार्यालयय् सेवाग्राहीनाप १५ हजार घुस कयाच्वंगु अवस्थाय् वयात ज्वःगु खः।

जग्गाया नक्सा मिले याना बिइ धका सेवाग्राही नाप घुस कया च्वंगु धका आयोगं वयात थप अनुसन्धान याना च्वनागु दु धका धाःगु दु ।

Categorized in अपराध