जोकोभिचं त्वाःथल फेडेररया कीर्तिमान
सिल्लागा एकादशी ११४१, फागुन २५ मंगलवाः
सर्वियन टेनिस कासामि नोभाक जोकोभिचं दक्वःलय् ताः ई विश्व वरियताको शिर्ष थासय् च्वंगु कीर्तिमान तःगु दु ।
म्हिगः सार्वजनिक जूगु वरियताय् नं थःगु शिर्ष थाय्यात निरन्तरता बिया जोकोभिचं थुगु दुर्लभ कीर्तिमान त्वाःथगु खः । जोकोभिच ३ सः व ११ वा शिर्ष थासय् च्वंगु दु ।
थ्वयान्ह्यः थुगु कीर्तिमान स्विस टेनिस स्टार रोजर फेडेररया नामय् ३ सः व १०वाया दूगु खः । दक्वःलय् ताः ई शिर्ष वरिताय् च्वंगुया किर्तीमान दयेकेधुंका जोकोभिचं फेडेररयात थःपिन्सं न्ह्याबलय् हे सम्मान यायेगु व वयेक समकालिन टेनिस विश्वया नितिं प्रेरणाया स्रोत जूगु प्रतिक्रिया बिउगु दु ।
सन् २०२० या अष्ट्रेलियन ओपन टेनिसलिपा कोर्टय् खनेमदूम्ह फेडेररं थ्वहे वालय् कतार ओपनय् धेंधेंबल्ला यायेत्यंगु दु । फेडेरर विश्व टेनिसय् २०क्वःतक्क ग्राण्ड स्लाम त्याकुम्ह मिजंम्ह कासामि खः ।
स्पेनका रफाइल नदालं नं २० पटक ग्रान्डस्लाम उपाधि त्याकुगु दु । जोकोभिचं धाःसा निवा न्ह्यः अष्ट्रेलियन ओपन त्याका ग्राण्ड स्लाम उपाधिया ल्याः १८गू थ्यंकुगु दु ।
