म्यान्चेस्टर सिटीं आर्सनलयात १–०या गोल अन्तरं बुकल, म्यान्चेस्टर युनाईटेडं बुकल न्युकासलयात
सिल्लाथ्व दशमी ११४१, फागुन १० सोमबाः
इंग्लीश प्रिमियर लिग फुटबलय् शीर्ष थाय्या म्यान्चेस्टर सिटीं आर्सनलयात १–० या गोल अन्तरं बुकुगु दु ।
वंगु चान्हय् आर्सनलया मैदानय् जूगु कासाय् म्यान सिटीयात विजयी त्याकेत राहिम स्टर्लीङं निगूगु मिनेटय् याःगु गोल हे निर्णायक जुल ।
कासा त्यागु नापं म्यान्चेस्टर सिटीं प्रिमियर लिगया २५गू कासां ५९ गू ल्याः मुंकुबलय् उतिग्यंगु कासापाखें ४९ गू ल्याः मुंकुगु म्यान्चेस्टर युनाईटेड निगूगु थासय् दु ।
म्यान्चेस्टर युनाईटेडं वंगु चान्हय् न्युकासल युनाईटेडयात ३–१गूया गोल अन्तरं बुकुगु दु । कासाय् म्यानयूयात त्याकेत मार्कस रास्फोर्ड, ड्यानिएल जेम्स व ब्रुनो फर्नान्डेजं छगू छगू गोल याःगु खः ।
प्रिमियर लिगया हे मेगु कासाय् टोटनह्याम हट्सपरयात २–१गूया गोल अन्तरं बुका वेष्ट ह्याम युनाईटेड ल्याः धलःया ४गूगु थासय् थ्यंगु दु । अथेहे एस्टन भिल्लायात २–१गूया गोल अन्तरं बुकुगु लेष्टर सिटी ३गूगु थासय् दु ।
Categorized in कासा