प्रधानमन्त्री केपी शर्मा ओलीं थःत संसदीय दलया नेतापाखें चीकेत दाहाल–नेपाल पुचःयात हाथ्या बियादीगु दु ।

वयकलं म्हिगः पोखराय् जुगु कार्यकर्तापिन्त सम्बोधन यायेगु झ्वलय् धयादिगु दु, ‘विधिवत रुपं नाप लाये, बैठक सःताबी, झासँ ले !’ विधि व पद्धति कथं थःत चीकल धाःसा थः प्रतिपक्षय् च्वनेत तयार दु धका धयादिगु खः, ‘दत्या प्रतिपक्षय् च्वनेधुंकाः हाकनं निगू तिहाइ हयेगु जुइ ।’ प्रम ओलीं धयादीगु दु प्रधानमन्त्री पद सुयातं गःतां ज्वनाः दइगु मखु धासें विधि व पद्धतिं वयेत इनाप यानादिगु खः ।

प्रम ओलीं ‘अविश्वासया प्रस्ताव तयाः चीकेगु मखु, गःतां ज्वनाः ‘.? प्रधानमन्त्रीया चीकेगु लोकतान्त्रिक विधि पद्धति गज्याःगु जुइ ?’ प्रम ओलीं सम्बोधनया झ्वलय् दाहाल–नेपाल पुचःयाके बहुमत दुगु खँ स्वीकार यासें थम्हं पार्टी एकताया निंति बियागु बहुमत आः वयाः गलत रुपं छ्यःगु द्वपं नं बियादिल ।

Categorized in राजनीति