वाङमय शताब्दी पुरुष सत्यमोहन जोशीया किपा दुगु हुलाक टिकट स्वयेखंम्ह न्हापांम्ह व्यक्ति जुयादीगु दु ।

फिलाटेलिक तथा हुलाक टिकट व्यवस्थापन कार्यालयं म्हिगः वय्कःया किपाः दुगु टिकट प्रकाशन याःगु खः ।

गुलि नं विशिष्ट व्यक्तित्वतय् किपाः तयाः टिकट पिहां वल, व फुक्कं वय्कःपिं मदयेधुंकाः जक पिदनाच्वंगु खः । तर भाजु जोशी किपाः दुगु हुलाक टिकट धाःसा वय्कःया जीवनकालय् हे पिहां वःगु खः । म्हिगः राष्ट्रपति विद्यादेवी भण्डारीं जोशीया किपाः दुगु हुलाक टिकटय् न्हापांगु टाँचा तयाः टिकटया प्रकाशन सुरु यानादीगु खः ।

हुलाक टिकट व्यवस्थापन कार्यालयया कथं झितका वं झिगू लाख पाः जोशीया किपा दुगु हुलाक टिकट पिहां वःगु दु । थ्व इतिहासया दस्तावेजया रुपय् दयाच्वनी ।

Categorized in राष्ट्रिय