म्यान्चेस्टर सिटीं फुल्हमया ३–०या गोेल अन्तरं बुकल, चेल्सीयात पन लिड्स युनाईटेडं
चिल्लाथ्व पारु, ११४१ चैत १, आइतबाः
इंग्लीश प्रिमियर लिग फुटबलय् म्यान्चेस्टर सिटीं फुल्हमयात ३–०या गोल अन्तरं बुकुगु दु ।
वंगु चान्हय् फुल्हमया मैदानय् जूगु कासाय् म्यान सिटीयात त्याका बिइत जोन स्टोन्स, ग्याब्रियल जिसस व सर्जियो अगुएरों छगू छगू गोल याःगु खः ।
कासा त्यागु नापं म्यान्चेस्टर सिटीं प्रिमियर लिग फुटबलया धलःखय् निगूगु थाय्या म्यान्चेस्टर युनाईटेडलिसे १७गू ल्याःया अग्रता काःगु दु ।
लिगय् ३०गू कासां सिटीया ७१ गू ल्याः जूगु दुसा २८गू कासा म्हितूगु युनाईटेडया ५४गू ल्याः जूगु दु ।
लिगया हे मेगु कासाय् चेल्सीयात लिड्स युनाईटेडं गोल मयासें ज्वलिन्ज्वःलय् पंबलय् बर्न्लें एभर्टनयात २–१गूया गोल अन्तरं बुकुगु दु ।
वंगु चान्हय् जूगु मेगु कासाय् क्रिष्टल प्यालेसं वेष्ट ब्रोमयात १–०या गोल अन्तरं बुकुगु दु ।
Categorized in कासा
