२०८० चैत्र १६, शुक्रबार

नेकपा माओवादी केन्द्रं प्यम्ह सांसदपिन्त दुजः व सांसद पद तकं मदेयक कारबाही यात

लहानान्युज | चिल्लागा नवमी ११४१,चैत्र २४ मंगलवाः

नेकपा माओवादी केन्द्रं नेकपा एमालेय् दुहाँवंपिं संघीय संसदया प्यम्ह सांसदपिन्त कारबाही याःगु दु ।
 
माओवादी केन्द्रं उद्योगमन्त्री लेखराज भट्ट, शहरी विकासमन्त्री प्रभू साह, उर्जामन्त्री टोपबहादुर रायमाझी व श्रम रोजगार लिसें सामाजिक सुरक्षामन्त्री गौरीशंकर चौधरीयात कारबाही याःगु खः ।
 
उमित  पार्टी दुजः व सांसद पद तकं मदइकथं कारबाही याःगु पौ संसद सचिवालयस दर्ता याःगु खः । तर गृहमन्त्री रामबहादुर थापायात कारबाही याःगु पौ धाःसा संसद सचिवालयस दर्ता याःगु मदु ।
 
उर्जामन्त्री रायमाझी अर्घाखाँची–१, उद्योगमन्त्री भट्ट कैलाली–४, शहरी विकासमन्त्री साह रौतहट–३ व श्रममन्त्री चौधरी कैलाली–३ पाखें निर्वाचित जुयादीगु खः । माओेवादी केन्द्रया कारबाहीलिसें उमिगु सांसद पद नं मदइगु जूगु दु ।
 
माओवादीपाखें हे राष्ट्रियसभाय् निर्वाचित गृहमन्त्री रामबहादुर थापायात नं कारबाही यायेगु निर्णय माओवादी केन्द्रं यासां संसद सचिवालयस दर्ता याःगु पौखय् थापाया नां समावेश जूगु मदु ।
 
अथेहे सांसद पद मदुम्ह तर ओली सरकारया मन्त्री तकं जुयादिम्ह खेलकुदमन्त्री दावा लामा व खानेपानी मन्त्री मणि थापायात नं कारबाही यायेगु निर्णय माओवादीं याःगु दु । 
 
Categorized in राजनीति