नेकपा माओवादी केन्द्रं नेपाली कांग्रेस व जनता समावादी पार्टी नाप सरकार, संसद सञ्चालन लगायतया विषय वार्ता याइगु जुगु दु ।

थौं मंगलवाः च्वगु स्थायी कमिटीया बैठकं सरकार, संसद सञ्चालन व संविधान कार्यान्वयनया समग्र प्रक्रियाबारे विपक्षय् दुगु निगु दल नाप सहलह यायेगु निर्णय याःगु दु ।

‘नेकपा एमाले नाप माःगु कथं  वार्ता याये’ नेता नारायणकाजी श्रेष्ठं धयादीगु दु। वयकलं सरकारयात बियागु समर्थन लित कायेगु वा मकायेगु बारे छु न निर्णय जुगु मदु।

नेता श्रेष्ठया कथं संगठनात्मक ज्या व आःतकया परिस्थितिबारे पार्टीयात प्रशिक्षित यायेत २९ गते केन्द्रीय कमिटीया बैठक व १ गते कार्यकर्ता भेला यायेगु निर्णय याःगु दु ।

स्थायी कमिटी सदस्यपि रामबहादुर थापा बादल, टोपबहादुर रायमाझी, मणि थापा, प्रभु साह व केन्द्रीय सदस्यपि गौरीशंकर चौधरी व दावा लामा ओली समूहय् वःगु खः। उपि आःतक दक्को मन्त्री हे जुयाच्वंगु दु।

Categorized in राजनीति