नेकपा ओली समूहया अध्यक्ष नाप प्रधानमन्त्री केपी ओलीयात नेता बामदेव गौतमं भेटवार्ता याःगु दु।

थौं शुक्रवाः प्रधानमन्त्रीया सरकारी निवास बालुवाटार वना गौतमं ओली नाप सहलह याःगु खः। थौं न्हिनय् २ः३० बजे बालुवाटार वना गौतमं ओली नाप करिब छ घौ खँल्हावल्हा याःगु खः ।

नेकपा निगु समूहय् विभाजित जुइवं थः तटस्थ दु धका गौतमं बिहीवाः प्रचण्ड–माधव समूहया अध्यक्ष पुष्पकमल दाहाल प्रचण्ड नाप भेटवार्ता याये धुकुगु दु । नेकपा विभाजन लिपा गौतमं याकन हे नेकपा राष्ट्रिय एकता अभियान शुरु यायेत्यःगु दु।

संसद् विघटन लिपा विभाजित नेकपायात छगु हे दयेकेगु दबाव बिइगु उद्देश्यं गौतमं उगु अभियान सुरु याःगु खँ धका धाःगु दु।

Categorized in राजनीति